Wednesday 1 August 2012

വിമാനത്തില്‍ ഉറങ്ങിയാല്‍ ഇങ്ങനെയിരിക്കും!

ബസില്‍ കയറിയിരുന്ന്‌ ഉറങ്ങുന്നതു പോലെയല്ല വിമാനത്തില്‍ കയറിയിരുന്ന്‌ ഉറങ്ങുന്നത്‌. പാകിസ്‌താനില്‍ നിന്ന്‌ പാരീസിലേക്ക്‌ പറന്ന പട്രീഷെ അഹമ്മദിന്‌ ഇക്കാര്യം നന്നായി മനസ്സിലായി. വിമാനത്തില്‍ ഇരുന്ന്‌ ഉറങ്ങിയ ഇവര്‍ പാരീസിലെത്തിയത്‌ അറിഞ്ഞില്ല. വിമാനം തിരികെ ലാഹോറിലെത്തിയപ്പോഴാണ്‌ ഉറങ്ങുന്ന പട്രീഷ്യ അധികൃതരുടെ പോലും ശ്രദ്ധയില്‍ പെട്ടത്‌!

പാരീസിലെ ചാള്‍സ്‌ ഡീ ഗ്വല്ലെ വിമാനത്താവളത്തിലെ ഗ്രൗണ്ട്‌ സ്‌റ്റാഫിന്റെ ഗുരുതരമായ പിഴവാണ്‌ പട്രീഷ തിരിച്ചു പറക്കാന്‍ കാരണമായതെന്നാണ്‌ പാകിസ്‌താന്‍ എയര്‍ലൈന്‍സിന്റെ കുറ്റപ്പെടുത്തല്‍. യാത്രക്കാരിയെ തിരികെ പാരീസിലെത്തിക്കാനുളള ഏര്‍പ്പാടും എയര്‍ലൈന്‍സ്‌ അധികൃതര്‍ ചെയ്‌തു.

ഫ്രഞ്ചുകാരിയായ പട്രീഷയുടെ ഭര്‍ത്താവ്‌ പാകിസ്‌താന്‍ സ്വദേശിയാണ്‌. എന്തായാലും അവരുടെ ഉറക്കം ആഗോളതലത്തില്‍ ശ്രദ്ധിക്കപ്പെട്ടിരിക്കുകയാണ്‌!

No comments:

Post a Comment